მუსიკოსი გია ბაღაშვილი მისი ოჯახის გარშემო განვითარებული მოვლენების შემდეგ სოციალურ ქსელში განცხადებას ავრცელებს და მხარდაჭერისთვის ყველას მადლობას უხდის. როგორც ცნობილი გახდა, ის და მისი მეუღლე დაშორდნენ.
როგორც მუსიკოსი ამბობს, მას და თაკო ტაბატაძეს მომავალთან დაკავშირებით განსხვავებული ხედვები ჰქონდათ, რამაც დაშორების გადაწყვეტილება მიაღებინა.
„რა თქმა უნდა ეს გადაწყვეტილება რთული მისაღები იყო, პირველ რიგში ჩვენი 4 უსაყვარლესი შვილის გათვალისწინებით, მაგრამ საბოლოოდ ვარჩიეთ ამ ფორმით შეგვენარჩუნებინა კარგი ურთიერთობა და საბედნიეროდ ეს შევძელით. ამ საკითხზე მეტ საუბარს აღარ ვაპირებ, ვინაიდან ამ თემის ზედმეტად მუსირება დისკომფორტს შეუქმნის ბავშვებს“, – წერს ბაღაშვილი.
მედიაში გავრცელებულ ინფრორმაციას თავად მსახიობი თაკო ტაბატაძეც გამოეხმაურა. ისიც წერს, რომ წყვილის დაშორების მიზეზი განსხვავებული შეხედულებები გახდა. წყვილმა 2009 წელს იქორწინა, იმჟამად თაკო 18 წლის იყო და მიუხედავად იმისა, რომ მათ შორის 19 – წლიანი ასაკობრივი სხვაობა იყო, წყვილი ბედნიერად გრძნობდა თავს. მათ 4 გოგონა ჰყავთ.
