გავრცელებული ინფორმაციით, ქუთაისში, ჭავჭავაძის გამზირზე ტურისტს თავს დაესხნენ და ფიზიკურად გაუსწორდნენ. დაპირისპირების მიზეზი წინასწარი ინფორმაციით ფული გახდა.
ნაცემი ტურისტი, რომელიც შემთხვევის დროს მარტო იმყოფებოდა, რუსეთის მოქალაქეა. შემთხვევა ქუთაისის ცენტრში მოხდა. თვითმხილველთა თქმით, უცნობმა პირებმა ტურისტს დაზიანებები თავის არეში მიაყენეს და ტელეფონი წაართვეს.
ტურისტი უკვე ჰოსპიტალიზებულია. დაზარალებული სასწრაფო დახმარების ბრიგადამ კლინიკაში დროულად გადაიყვანა, მისი ჯანმრთელობის მდგომარეობა დამაკმაყოფილებელია.
