იტალიის მინისტრთა საბჭო დღეს მიიღებს დადგენილებას, რომელიც კორონავირუსის შეზღუდვებს მათთვის ამკაცრებს, ვისაც ვაქცინაცია არ გაუვლია. ზომები ავსტრიული მოდელით არის შემოღებული. ინფორმაციას ადგილობრივი მედია ავრცელებს.
ხელისუფლების განცხადებით, ამ გზით ისინი ეპიდემიის მე-4 ტალღის შეჩერებას და “ლოქდაუნის” თავიდან აცილებას ცდილობენ, განსაკუთრებით საშობაო პერიოდში.
მეორეს მხრივ, ხელისუფლება აპირებს, დაარწმუნოს შვიდ მილიონზე მეტი იტალიელი, რომლებსაც სხვადასხვა მიზეზების გამო ვაქცინაცია არ გაუვლიათ, აცრა გაიკეთონ.
La Stampa წერს, რომ ახალი რეგულაციები არავაქცინირებულ პირებს, ფაქტობრივად, სამსახურის გარდა სხვა დაწესებულებში სტუმრობის უფლებას ართმევს. ამასთან, სამსახურში, პირველადი აუცილებლობის პროდუქციის მაღაზიებში სიარული და საქალაქთაშორისო ტრანსპორტით მგზავრობა მხოლოდ ტესტის უარყოფითი პასუხის შემდეგ იქნება შესაძლებელი, რომელიც 48 საათს მოქმედებს.
