ისრაელის ხელისუფლებამ უცხოელების შესვლის აკრძალვა 29 დეკემბრამდე გაახანგრძლივა. ადრე არსებული შეზღუდვები გასვლაზეც შენარჩუნდა. ამის მიზეზი კორონავირუსის ახალი შტამის, “ომიკრონის” გავრცელების პრევენციაა. ნფორმაციას The Times of Israel ავრცელებს.
“ისრაელის მთავრობამ მხარი დაუჭირა ქვეყანაში უცხოელების შემოსვლის აკრძალვის გახანგრძლივებას მინიმუმ 29 დეკემბრამდე. თავდაპირველად შეზღუდვები 29 ნოემბრიდან 12 დეკემბრამდე მოქმედებდა, შემდეგ კი 10 დღით გახანგრძლივდა”, – წერს გამოცემა.
მედიის ცნობით, ისრაელში შესვლა მხოლოდ გამონაკლის შემთხვევებშია შესაძლებელი.
გარდა ამისა, ხელისუფლებამ კიდევ უფრო გააფართოვა იმ ქვეყნების “წითელი სია”, რომლებშიც ისრაელის მოქალაქეებს შესვლა ეკრძალებათ. ამრიგად, განახლებულ სიაში შედის: ნორვეგია, ირლანდია, ფინეთი, საფრანგეთი, ესპანეთი და არაბთა გაერთიანებული საამიროები. ამ ქვეყნებიდან ჩამოსვლისთანავე ისრაელელებმა უნდა დაიცვან კარანტინი, მიუხედავად იმისა, აქვთ თუ არა კორონავირუსის ვაქცინაციის სერტიფიკატი.
