დღეს საბერძნეთში 4,4 მაგნიტუდის სიმძლავრის მიწისძვრა მოხდა.
ევრო-ხმელთაშუა ზღვის სეისმოლოგიური ცენტრის ცნობით, მიწისძვრის ეპიცენტრი ადგილობრივი დროით 09:39 საათზე დაფიქსირდა. მიწისძვრის ეპიცენტრი პატრადან 191 კილომეტრში იყო, სადაც დაახლოებით 168 000 ადამიანი ცხოვრობს. მსხვერპლისა და ნგრევის შესახებ ინფორმაცია არ ვრცელდება.
საბერძნეთი ევროპის ერთ-ერთი ყველაზე სეისმურად აქტიური ქვეყანაა. ევროპაში მიწისძვრების თითქმის ნახევარი აქ ფიქსირდება.
